香港新浪網 MySinaBlog
« 上一篇 | 下一篇 »
皇帝 | 8th Jun 2006, 17:32 PM | 回憶 | (2711 Reads)

平均分: 10.00 | 評分人數: 2

不久前看到7-11推出了一種芒果加蘋果口味的軟雪糕,一直很想試試,星期二時本已進店去買,豈料已售罄,只剩雲呢拿味。昨晚在街上走著時,沿路有雪糕賣的7-11我都有進去問,結果不是雪糕機壞了便是只剩雲呢拿味,無奈。

正在心深不憤將怨念歸到雲呢拿味軟雪糕去之際,看到路旁有輛雪糕車。感覺似是很久沒看過雪糕車了,遙望雪糕車上的價目表,竟要$6一杯?我都不知道原來雪糕車的軟雪糕要那麼貴的,我還以為跟平日買到的差不多的。

我不禁想,M記的軟雪糕才$2,要別的口味的話到便利店去也只是$2.5,而且M記、7-11、OK等豈止「梗有一間響左近」?簡直已經多到氾濫的地步,要吃到軟雪糕可說是輕而易舉的事,那麼還有誰需要買罕見的雪糕車上聞說因冰箱不夠冷以致含菌量較高卻又賣得較昂貴的平凡軟雪糕呢?

撇開這個謎團,我記起兩次我與雪糕車的邂逅。印象中的第一次是在尖沙咀碼頭對開的馬路上有一輛雪糕車停泊著,我當時還是小孩子,與父母一起走在街上。我們看到雪糕車,媽媽問了我要不要吃雪糕,我當然卻之不恭了,這讓我對雪糕車這東東留下了一個好印象。

第二次則是初中時,我與劇社的同學一同出到九龍塘,大概是去比賽場地綵排吧?那一次,在九龍塘火車站外等候時有雪糕車在我們眼前,於是前輩請了我們這些這學弟學姐們每人一杯軟雪糕。我記得當時我是因為一些事正有點不開心,前輩給我雪糕,並用言語開解我,讓我好過了點。

當想起這兩件事,我頓時覺得雪糕車還是有其存在價值的。雪糕車,可貴在它的出現機率,你不會知道那個時候在那個地方會碰上,在你不為意的時候耳邊便響起熟悉的「藍色多惱河」(就是「肥婆學渣車、必必、勃勃」那首)。能有緣遇上,再加上旁邊有人願意請你吃,讓你有一個美好的回憶,這是難得的體驗。

雪糕車的雪糕不便宜,不單因為要將行車成本計算在內,大概還因為它是在賣回憶吧﹗


[1]

我最鍾意食橙冰~


[引用] | 作者 poonwinghang | 8th Jun 2006 17:41 PM | [舉報垃圾留言]

[2] 回poonwinghang

橙冰?我冇食過,不過有得揀我都唔會揀橙味既雪條。


[引用] | 作者 皇帝 | 8th Jun 2006 18:26 PM | [舉報垃圾留言]

[3]

雪糕車上聞說因冰箱不夠冷以致含菌量較高??

真的??
我很喜歡食軟雪糕的耶?!

不過我近來發現, 雪糕車的"藍色多惱河"快了很多,
沒有了小時候的悠閒~~~XD


[引用] | 作者 | 8th Jun 2006 19:42 PM | [舉報垃圾留言]

[4]

我媽媽從我細細個開始就已經同我灌輸「街邊野食好污糟」既觀念,包括所有街邊零食同雪榚車既雪榚,到大個左呢個觀念已經根深柢固,已經令到我對一切街邊野食都無興趣去食,雪榚車既雪榚我一次都無食過,都話呢招有用過打同鬧好多!直程係「畢生受用」~~

對於我黎講,雪榚車既回憶係「污糟」...我好佩服我媽媽...


[引用] | 作者 基莉絲兔 | 9th Jun 2006 00:17 AM | [舉報垃圾留言]

[5]

咦? 係我印象中, 覺得雪糕車的雪糕比便利店的衛生喎!! (雖然, 我仍是照吃便利店的軟雪糕.)

對雪糕車, 我只有一個提議: 可以增添朱古力味嗎?


[引用] | 作者 傲雪 | 9th Jun 2006 11:29 AM | [舉報垃圾留言]

[6] 回星

只係曾經聽聞,唔知係真唔係,鍾意咪繼續食囉,邊怕得咁多即?

乜首音樂可以較快慢既咩?定係你個人心急,變左聽起上黎快左咋?


[引用] | 作者 皇帝 | 9th Jun 2006 17:30 PM | [舉報垃圾留言]

[7] 回基莉絲兔

真係好難得既回憶呀﹗
不過我就覺得雪糕車唔算係街邊既野食,因為佢都算係放在一個有四面既車箱裡面嘛﹗


[引用] | 作者 皇帝 | 9th Jun 2006 17:33 PM | [舉報垃圾留言]

[8] 回傲雪

我真係冇乜研究過雪糕車上有咩味既雪糕,乜連朱古力味都冇既咩?咁差既﹗


[引用] | 作者 皇帝 | 9th Jun 2006 17:35 PM | [舉報垃圾留言]

[9]

雪糕車支歌就最令我懷念了!


[引用] | 作者 agnes | 12th Jun 2006 13:43 PM | [舉報垃圾留言]

[10] 回agnes

冇錯,比起車內既雪糕仲令人懷念呢﹗


[引用] | 作者 皇帝 | 12th Jun 2006 16:09 PM | [舉報垃圾留言]

[11]

我是由sina 的精選文章走過來的...

哈....7-11 那個芒果蘋果的雪糕不試也罷, 沒有生果的味道, 只有酸味而已...

我一直覺得雪糕車上的軟雪糕就好像硬一點的冷忌廉, 吃這種雪糕大概就只是為了回味兒時的感覺, 吃的是感情, 雪糕本身並不吸引...就好像用扭蛋裝著的大菜榚(有時還會加豆漿), 木頭車仔上的魚柳/話梅/糖等東西, 它們在我們記憶中的味道遠比實際的味道好...


[引用] | 作者 yan | 12th Jun 2006 16:30 PM | [舉報垃圾留言]

[12] 回yan

係咩,只有酸味呀?好失望呢﹗

的確要食好食既雪糕都唔會諗起雪糕車,我亦對曾經食過既雪糕車上既雪糕既味道不剩一點印象,所以,雪糕車既存在價值就只剩人們對佢既懷念了。

「扭蛋裝著的大菜榚(有時還會加豆漿)」到底係咩黎架?咁奇怪既?


[引用] | 作者 皇帝 | 12th Jun 2006 17:29 PM | [舉報垃圾留言]

[13]

哈....看來我大概比你最少老一代...

就係大菜糕, 不過用D 膠蛋裝住...大約二十年前的街頭小吃吧? 有時那小販還兼賣豆漿, 就咁一杯豆漿加隻大菜糕蛋入去打碎咁食/飲...(現在旺角好景附近好像有一間涼茶鋪有賣...)

如果睇唔明, 可以參考:
http://rthk27.rthk.org.hk:62500/mdc/cityuen/mdc05cuen/food6.htm


[引用] | 作者 yan | 12th Jun 2006 22:22 PM | [舉報垃圾留言]

[14] 回yan

亦可能係我細個時冇食過街頭小食啫,細個時屋企唔俾我食零食架,所以好多野都唔知。


[引用] | 作者 皇帝 | 13th Jun 2006 17:22 PM | [舉報垃圾留言]

[15]

雪糕車...其實有朱古力味架!不過就只有蓮花杯,軟雪糕實在不設朱古力味...
那首樂曲,真的會常常於腦內縈繞呢!


[引用] | 作者 | 13th Jun 2006 19:13 PM | [舉報垃圾留言]

[16]

雪糕車同M記果D味道唔同架,雪糕車好味D,我印象最深食雪糕車一次系西貢食海鮮一次系旺角同班朋友癩,都系好開心甘大家一起食,好似返番去細個時候!可能大個左食番以前嘅野會更加開心呢!


[引用] | 作者 amy | 14th Jun 2006 15:00 PM | [舉報垃圾留言]

[17] 回甄

蓮花杯嗎?那感覺好像不是出自雪糕車的產物一樣,軟雪糕才是雪糕車的特產,所以口味少實在是致命傷啊﹗


[引用] | 作者 皇帝 | 14th Jun 2006 15:55 PM | [舉報垃圾留言]

[18] 回amy

真係好味d咩?定係因為同朋友一齊食心情好好所以覺得特別好食呢?


[引用] | 作者 皇帝 | 14th Jun 2006 15:56 PM | [舉報垃圾留言]

[19]

都唔係只係賣回憶喎, M記d雪糕, 其實quality好差, 好快會溶哂, 所以先咁平.


[引用] | 作者 本do | 15th Jun 2006 01:40 AM | [舉報垃圾留言]

[20] 回本do

M記d軟雪糕我聽聞過係點整既……快溶好吖,咁先有食雪糕既feel嘛﹗
咁講法似乎雪糕車既雪糕其實好好食?真係唔同人有唔同感覺呢﹗


[引用] | 作者 皇帝 | 15th Jun 2006 15:24 PM | [舉報垃圾留言]

[21] Re: BBO
本do :
都唔係只係賣回憶喎, M記d雪糕, 其實quality好差, 好快會溶哂, 所以先咁平.


[引用] | 作者 BOBO | 23rd Sep 2006 08:10 AM | [舉報垃圾留言]

[22] 回BOBO

唉,諗起M記d雪糕都唔想提……


[引用] | 作者 皇帝 | 23rd Sep 2006 12:07 PM | [舉報垃圾留言]

[23] re

雪糕車的軟雪糕才是王道~~!


[引用] | 作者 基拉 | 23rd Sep 2006 19:03 PM | [舉報垃圾留言]

[24] 回基拉

本來軟雪糕就是雪糕車的名產物嘛﹗


[引用] | 作者 皇帝 | 24th Sep 2006 15:51 PM | [舉報垃圾留言]

[25]

好懷念


[引用] | 作者 | 10th Dec 2006 22:24 PM | [舉報垃圾留言]

[26] 回無

都仲未絕種既,只係少見啫﹗


[引用] | 作者 皇帝 | 11th Dec 2006 18:00 PM | [舉報垃圾留言]

[27] 回你;P

話說我邐為雪糕車好有價值~!
而家佢用鮮奶整既雪糕係軟好多嫁xP
仲好好食tim!
而家都唔係好多雪糕車lu~
連雪糕車都絕種@@"


[引用] | 作者 AlicE.寒 | 16th Sep 2010 18:43 PM | [舉報垃圾留言]