香港新浪網 MySinaBlog
« 上一篇 | 下一篇 »
皇帝 | 18th Dec 2006, 17:30 PM | 教會 | (1467 Reads)
到底發現這種手法的存在的人是太杞人憂天還是有先見之明,即使在聽了昨天的團契專題後我還是沒有答案。論到以音樂隱藏訊息以貫輸進我們的思維這種事,我認為不是沒可能發生,但是否應該只會有條件地發生呢?

昨天的分享中提到其中一種以音樂影響人的思想的手法是以大聲的音樂覆蓋耳語聲的言語,這樣人在正常狀態下是聽不出來的,但那言語會直接被大腦接收,可以改變人的潛意識。我認為這是合理的、人是真的可以因此而受影響的。可是說到另一種Backward Masking的方法,我便依然很難認同它能影響人的思想了。

所謂的Backward Masking,是需要有電腦軟件協助才能還原的技術。具體來說,就是將一些音樂以專用軟件從尾倒播到頭,有人發現,在某些歌曲中,尤其是外國樂與怒的歌曲裡,均會以此手法隱藏了一些訊息,而這些訊息亦有不少是反基督、褻瀆神、頌揚魔鬼及罪惡的。

舉一個例,在1970年代很受歡樂的英國搖滾樂團Led Zeppelin的敘事風格搖滾名作「Stairway to Heaven」被發現有使用Backward Masking隱藏訊息,歌詞如下:

順播:'If there's a bustle in your hedgerow, don't be alarmed now, it's just a spring clean for the May queen. Yes there are two paths you can go by, but in the long run there's still time to change the road you're on.'

反播:'Oh here's to my sweet Satan. The one whose little path would make me sad, whose power is Satan. He'll give those with him 666, there was a little toolshed where he made us suffer, sad Satan.'

在互聯網上搜尋一下,不難發現還有極多被說成是隱藏了魔鬼訊息的英文流行歌。我對這研究題目存有不少問題,第一,訊息需要用軟件反轉處理過才能獲得,我們的腦袋有能力自己將歌曲反轉過來嗎?第二,全部例子都是英文歌,是否因為很多英文的發音反過來後都會像Satan、Six Six Six等字詞?然後研究者再以供詞作文的手法模擬一段似是從反播的歌譯出可圈可點的歌詞來呢?(事實上不是看著翻出來的歌詞也真的聽不出關鍵詞以外的內容)第三,假設人腦是能接收潛在訊息並自動排出有意義的句子,要是我跟本沒有那樣的英語水平,即使聽了我還是不能理解吧?那是不是就對我沒影響了呢?

有問題也好、沒問題也好,其實對我的影響不大,反正我又不很喜歡搖滾樂,再加上亦不會聽英文歌,完全可以置身事外,只是對這類問題的存在知多一點點也未嘗不是好事來的。

有例子供試聽的網址:http://jeffmilner.com/backmasking.htm


[1]

long time no see~

我都有聽過這些歌, 最初的時候, 唔, 覺得... 有點... 不驚... 得覺下.. 聽左咁耐, 原來會你咁.

但, 之後又覺得... 真的可以這麼入腦嗎? 偶的英文差, 不不明的了. 就沒有再理, 就繼續聽.

其實, 教會... 會不會叫人不要接觸這類東西?


[引用] | 作者 yasuno | 18th Dec 2006 18:45 PM | [舉報垃圾留言]

[2] 回yasuno

咁又唔會刻意叫人唔聽既,因為係咪真係有問題都仲未能肯定,只不過叫我地都提防一下,始終要用潛在意識影響人都唔止backward masking呢種手段,好似用嘈吵既音樂覆蓋隱藏訊息呢類已經被證明係對人有確實既影響既,咁都係少接觸呢類音樂為佳。
呢個其實都唔止係信仰上既提醒,一般人自己留意一下都係對自己好既。


[引用] | 作者 皇帝 | 18th Dec 2006 19:03 PM | [舉報垃圾留言]

[3]

這種玩法,不知何解,我會想起聖經密碼......


[引用] | 作者 shadowzo | 18th Dec 2006 21:31 PM | [舉報垃圾留言]

[4]

呢首歌好好聽架喎
又有層次, 難得咁長又唔覺得佢悶

呢個世界邊有咁多魔鬼呀? 都唔知係咪有d人特登整d野出黎博出位o者. 如果真係對神咁有信心, 聽少少音樂邊有咁易出事呀

其實英國人葬禮好興用呢首歌, 有人仲用acdc果首highway to hell咪仲邪?


[引用] | 作者 blue | 18th Dec 2006 22:44 PM | [舉報垃圾留言]

[5]

補充下

以前電影廣告唔知話隔幾多秒會插入一張可樂廣告, 但d人唔會發覺, 不過潛意識就知道有可樂呢樣野, 令到d人好想飲可樂

呢樣野fight club都講過, 仲o係套戲度玩埋一份


[引用] | 作者 blue | 18th Dec 2006 22:47 PM | [舉報垃圾留言]

[6]

如果有人用backward masking既方法來宣揚基督訊息,咁教會又會點睇?


[引用] | 作者 基莉絲兔 | 19th Dec 2006 09:00 AM | [舉報垃圾留言]

[7] 回shadowzo

都有d類似,都係d接近神秘主義既topic。


[引用] | 作者 皇帝 | 19th Dec 2006 22:34 PM | [舉報垃圾留言]

[8] 回blue

我對呢首歌就冇乜認識,唔係因為研討呢個題目都未聽過,我真係好少聽英文歌。

其實佢重點係話唔少搖滾樂都可以用類似既方法挖出弦外之音,唔係單單針對呢首歌既,呢度只係舉左呢首歌做例子。

另外你提到可樂果個case,果日講者咁啱都有講,呢種手法已經係經實驗證明可以影響人既潛在意識,就同backward masking唔同。


[引用] | 作者 皇帝 | 19th Dec 2006 22:40 PM | [舉報垃圾留言]

[9] 回基莉絲兔

你又估得冇錯喎,據講真係有呢種正面既用法,因為教會其實唔係話個方法有問題,係其中既訊息出問題。不過我依然係覺得人腦係接收唔到完全反轉既訊息既,咁做黎都冇用啦﹗


[引用] | 作者 皇帝 | 19th Dec 2006 22:43 PM | [舉報垃圾留言]

[10]

我覺得不單是搖滾樂, 好多歌都可以影響人的思想吧

其實好多野都會影響人的意識呢

但學作曲果個話齋, 首歌佢係作出黎俾人正常地聽, 根本就唔係愛黎俾人反轉聽(最少我唔會咁聽歌). 若然咁都聽到洗腦, 果個人o既"逆向思考"真是非常強勁. 呢首歌真係俾人針對左好多年啦

我自己覺得提出黎果個人係有少少過敏, 可能係佢地緊張啦. 佢就咁指控一首歌我覺得唔多fair, 不如佢試下將d聖詩或者兒歌其他歌呀反轉黎播, 睇下有冇同樣效果冇相同效果?


[引用] | 作者 blue | 20th Dec 2006 09:56 AM | [舉報垃圾留言]

[11] 回blue

好似有人似過用twinkle twinkle little star試都話有野添,所以都有可能d英文詩歌都有野架﹗


[引用] | 作者 皇帝 | 20th Dec 2006 17:14 PM | [舉報垃圾留言]

[12]

其實真係任得佢講
社會上實在有太多唔同的人和事, 唔好話一首歌或者潛意識, 好多野都可以改變你o既諗法
我覺得最緊要你對你個神有信心同識得反省自己就ok, 過份神經兮兮沒有用的

你呢個topic好有趣, 我引用一下可以嗎? 我正在寫有關的文章


[引用] | 作者 blue | 20th Dec 2006 22:57 PM | [舉報垃圾留言]

[13] 回blue

好啊,隨便引吧,我也是覺得頗有趣才寫的。


[引用] | 作者 皇帝 | 21st Dec 2006 17:28 PM | [舉報垃圾留言]

[14]

謝謝你

寫好了, 聽日有得睇


[引用] | 作者 blue | 21st Dec 2006 20:18 PM | [舉報垃圾留言]

[15] 回blue

好,去睇睇先。


[引用] | 作者 皇帝 | 22nd Dec 2006 17:35 PM | [舉報垃圾留言]