香港新浪網 MySinaBlog
« 上一篇 | 下一篇 »
皇帝 | 19th Jan 2007, 17:25 PM | 音樂 | (350 Reads)
對上一次去唱K,已經是2005年12月19日的事了(有寫網誌真好查呢﹗)。昨晚又去了這久違了的活動,除了特定幾位歌手外,其餘的新歌一概都不懂唱,因我已經連年尾的頒獎禮都懶得去看,平日也不會聽除喜歡歌手以外的本地流行歌,所以我赴會也預計了自己會以唱舊歌為主(可是倒沒想到竟然有人跟我一樣也喜歡唱李克勤的歌呢)。

唱著舊歌,才發現一直佔據我腦海的還是舊歌,我所謂的舊歌是指在我高小至中學時期所流行的那些歌。那時候聽很多很多流行歌,相信與時下的少年沒分別,好聽不好聽的都去聽,是喜歡的歌手所唱的自然要捧場,對不是自己喜歡的歌手的歌、甚至是討厭的歌手的歌,也是毫不失禮地可以一字不漏地唱出來,因為朋輩間都是聽這些、唱這些歌的。

要知道,那段時期正值記憶力最好的時候,因為讀書是可以訓練記憶的,於是乎,當年的歌的旋律、歌詞,不管你喜不喜歡它們,只要曾經用心記過那首歌,便會深深印在腦海裡,正如我即使對歷史沒興趣,也不會忘記中國猿人北京種的化石是在周口店發掘到的那樣。當日朗朗上口卻又未必是佳品的歌,留到今天竟變成了我們心中的所謂經典。

今天的流行曲不能在我心中成為經典,很多在其流行時覺得很好聽,也懂得唱,卻往往在過一、兩年後便忘了如何唱。其實說到底,經典就是在一班人談論起來時會引起共鳴的舊日記憶而已。電視台常有什麼經典金曲節目,那種經典是我父母那年代的經典,不是我們的經典;廿年後的經典金曲,相信便會變成是我昨晚唱得很起勁的那些較出名的舊歌了吧?

唱K選舊歌,當發現自己竟然還記得某一首歌怎麼唱時的感覺真的很開心,甚至有些不看歌詞也還能唱出來。對於一些早已消聲匿跡的歌手的歌,一邊唱,還會一邊想那位歌手現在怎麼了呢?看著舊日拍的KTV,「當年那歌手是這個樣子的啊?」「哇,那種髮型好恐怖﹗」「怎麼找個樣子像賊人的人當KTV主角啊?(當年很多KTV都不用唱的歌手去拍的)」「哇,『飛圖』啊﹗『碟聖』啊﹗好懷念呢﹗」如此這般懷舊一番真的很快樂。

唱了一晚,發覺自己唱得最高興、而以前一直沒在卡拉OK裡唱過的歌竟然是李克勤當年的勁敵黃凱芹的歌,突然挑他的歌來唱的原因其實只是想見見他那張跟我現在所喜歡的鄉本直也長得很相像的臉,沒想到黃凱芹的歌原來是這樣動聽的。當年只會過過口癮地唱的歌,今天竟然讓我唱得起勁,多少替黃凱芹感到不值呢﹗


[1]

好一個富有詩意的題目啊!

好久也沒從事唱K這個活動了,雖然聽的新歌不多,但我覺得現今樂壇充滿K歌,那怕只是在電台聽過一兩次,我都可以輕易的跟著唱了。

所以唱K時新舊都會照唱。

唱舊歌是緬懷過去的好時機,看那些MV也實在好笑,對上一次我地特登點《尋開心》,就為了為露點的陳豪!


[引用] | 作者 kitB | 19th Jan 2007 18:07 PM | [舉報垃圾留言]

[2]

我將同一段留言留了三、四次才成功出現,到底是發生甚麼事呢?


[引用] | 作者 kitB | 19th Jan 2007 18:13 PM | [舉報垃圾留言]

[3]

以前新歌一出,會搶先出K。仲要會聽定新歌先去添!好似黎明o既夏日傾情,我地仲要同隔離爭碟添...好懷念呀!

好耐冇去lu..我諗耐家去同你都一樣,以舊歌為主呢!


[引用] | 作者 Todd | 19th Jan 2007 18:49 PM | [舉報垃圾留言]

[4] 回kitB

知道個題目既出處嗎?我自己係唔會寫d咁富詩意既題目既,會打冷震架﹗

舊MV真係可以讓人開心地笑一大餐的。我都有想搵返黎睇多一次既MV,可惜一直都搵唔到,又唔確定係邊首歌既MV。

留三、四次言先成功唔出奇吖,唔係我既問題,係server既問題掛?今日勁唔穩定,所以我無論打幾少野都要先copy,免得又找不到網頁。


[引用] | 作者 皇帝 | 19th Jan 2007 19:04 PM | [舉報垃圾留言]

[5] 回Todd

唔怕既,反正舊歌多的是,卡拉OK既庫存又OK夠,總唔會去到冇歌啱唱既。


[引用] | 作者 皇帝 | 19th Jan 2007 19:06 PM | [舉報垃圾留言]

[6]

我呢幾年都開始興唱阿梅, 我個fd成日話我唱老餅野

不過k房的確係學新歌的好地方


[引用] | 作者 blue | 19th Jan 2007 20:34 PM | [舉報垃圾留言]

[7]

唔點聽新歌.....
上一次唱k, 都係05年中的事吧.....
我唱的都係李克勤同譚詠倫d舊歌吧了~~~
唉.....


[引用] | 作者 K~ | 20th Jan 2007 00:46 AM | [舉報垃圾留言]

[8]

我對上一次唱是30/12, 出席完她的婚禮後一班同學順道去唱K 呢~

哈...氣氛最熱烈時是唱鄭中基的"黑山老妖", 四枝咪全部有人拿著唱. (那是開聲/收聲歌之一, 基本上和"第四個現代化"同級...), 反而新歌就通常只有點歌的那一個懂唱...(第二主打就係蘇永康系列...)


[引用] | 作者 yan | 20th Jan 2007 01:18 AM | [舉報垃圾留言]

[9]

哈,跟朋友去唱ktv,我只是會台灣的,還有英文的歌曲。時下本地的流行歌曲我一點兒也不會!連最hit的雙生兒,容小姐,何小姐什麼的也不會,聽也沒有聽過……


[引用] | 作者 belle fille | 20th Jan 2007 02:02 AM | [舉報垃圾留言]

[10]

有有!!!
那種mtv真有夠好笑, 不記得是什麼歌, 個女主角著白衫白褲同個男主角在公園嬉笑追逐, 我們已經笑得半死, 突然個女主角係mtv打個側手翻比個男主角睇, 但男主角眼神又流露戀慕.....笑到我地全部即刻跌落地....


[引用] | 作者 Cherrie | 20th Jan 2007 12:42 PM | [舉報垃圾留言]

[11]

我唱K係唔會點新歌...因為唔識唱...
上次我表姐同我講《富士山下》好好聽,跟住我問:「乜唔係《獅子山下》咩?」= =


[引用] | 作者 小零八 | 20th Jan 2007 15:45 PM | [舉報垃圾留言]

[12] 回blue

K房係學歌既地方,因為你即使唔聽流行歌,你d friend唱時你又冇理由唔聽,所以點解d唱片公司要將d歌推去做d咩獨家試唱,咁宣傳法仲有效嘛﹗


[引用] | 作者 皇帝 | 20th Jan 2007 16:52 PM | [舉報垃圾留言]

[13] 回K~

咁你都同我差唔多啫﹗


[引用] | 作者 皇帝 | 20th Jan 2007 16:53 PM | [舉報垃圾留言]

[14] 回yan

黑山老妖我都鍾意唱呀﹗不過果晚另外會同我唱呢首歌既朋友冇黎,自己唱又唔過癮喎,所以冇唱呢首。

基本上即使我點舊歌有時都只有我一個識唱,因為我通常比較鍾意d滄海遺珠多過主打歌既。


[引用] | 作者 皇帝 | 20th Jan 2007 16:56 PM | [舉報垃圾留言]

[15] 回belle fille

台灣既我都有幾個喜歡唱,但都唔係新既。

去到K房,一睇個新歌推介list,哇,十個有九個都唔知乜水黎既,證明左我唔再係呢一代既後生仔囉﹗


[引用] | 作者 皇帝 | 20th Jan 2007 16:58 PM | [舉報垃圾留言]

[16] 回Cherrie

哈,睇你既形容已經大概諗到個場景係點樣啦,真係幾冇常識幾好笑架﹗雖然唔知你講邊首,但腦裡已經出果個年代既衣著既男女主角啦﹗


[引用] | 作者 皇帝 | 20th Jan 2007 17:00 PM | [舉報垃圾留言]

[17] 回小零八

哇,你咁後生都係咁呀?
睇黎呢度都有唔少人係唔識唱新歌喎,我仲以為只有我係咁脫節既添。


[引用] | 作者 皇帝 | 20th Jan 2007 17:02 PM | [舉報垃圾留言]

[18] Re: 回blue
皇帝 :
K房係學歌既地方,因為你即使唔聽流行歌,你d friend唱時你又冇理由唔聽,所以點解d唱片公司要將d歌推去做d咩獨家試唱,咁宣傳法仲有效嘛﹗

諗起件騎呢事
當年谷祖琳小姐做歌手, 主打六壯士, 我地唱唱下有個人走入黎叫我地點, 我地呆左唔識俾反應之際, 佢塞左d珍寶珠俾我地, 話我地點有糖食. 然後我地唯有話是旦啦咁. 佢幫我地點左, 首歌load出黎果陣, 我地睇左一陣, 然後一路食糖一路cut左首歌....


[引用] | 作者 blue | 21st Jan 2007 02:57 AM | [舉報垃圾留言]

[19] 回blue

吓,咁hard sell呀?
唱片公司唔怕谷小姐俾人笑既咩?
定還是其實係對頭既唱片公司特登做埋呢d小動作整鬼佢呀?(陰謀論又黎啦)


[引用] | 作者 皇帝 | 22nd Jan 2007 18:03 PM | [舉報垃圾留言]

[20] Re: 回blue
皇帝 :
吓,咁hard sell呀?唱片公司唔怕谷小姐俾人笑既咩?定還是其實係對頭既唱片公司特登做埋呢d小動作整鬼佢呀?(陰謀論又黎啦)

唔知啦, 可能係珍寶珠陷害佢囉


[引用] | 作者 blue | 22nd Jan 2007 23:13 PM | [舉報垃圾留言]

[21] 回blue

咁就似乎成功咗啦,依家都冇哂聲氣咯﹗


[引用] | 作者 皇帝 | 23rd Jan 2007 17:15 PM | [舉報垃圾留言]